Arximandrit Aleksinin (Smirnovun) Bakı və Azərbaycan yepiskopu adlandırılması ilə bağlı müraciəti

12 iyun 2024-cü il tarixində Moskva və Bütün Rusiya Patriarxı Kirill Moskva şəhəri Xilaskar Məsih kafedral kilsəsinin taxt zalında arximandrit Aleksiy (Smirnovun) Bakı və Azərbaycanın yepiskopu adlandırılması ayininə başçılıq edib. Adlandırma zamanı arximandrit Aleksiy Patriarx müqəddəslərinə və onu ibadətdə müşayiət edən arxipastırlara müraciət edib.

Zati-Müqəddəsləri, həzrətimiz və sevimli atamız! Arxiyepiskoplar və yepiskoplar həzrətrləri, Məsih Kilsəsinin arxipastırları!

Əhdi-Cədidin Müqəddəs Yazıları Xristian Kilsəsi çobanının necə olması barədə danışır: “Yaxşı çoban qoyunlar uğrunda canını qurban verər.” (Yəhya 10:11). Rəbbimiz İsa Məsihin bu sözləri yepiskopun üzərinə xüsusi bir məsuliyyət qoyur: yepiskop insanlara yalnız dua və sözlərlə deyil, həm də arxpastırlıq çağırışında öz həyatı ilə fədakarlıqla xidmət etməyə tamamilə hazır olmalıdır. Bunu dərk etmək məni heyrətə gətirir. Mən günahlarımın fərqindəyəm, qüsurlarımın fərqindəyəm və buna görə də sizdən xahiş edirəm ki, mənim üçün dua edəsiniz, mənə xeyir-dua verəsiniz, təcrübəniz və müdrikliyinizlə məni istiqamətləndirəsiniz ki, Allahın Kilsəsinin arxipastırı böyük həvari çağırışını layiqincə yerinə yetirə bilim. Mən Rəbbdən mənə kömək etməsini diləyirəm və məzmurçu Davudun sözləri ilə Ona müraciət edirəm: “Öz xalqını qurtar, seçdiklərinə xeyir-dua ver. Öz sürünü otar, xalqının əbədilik qayğısına qal!” (Məzmur  27:9).

Allahın lütfü, Zati-Müqəddəslərinizin və Müqəddəs Sinodun müdrik qərarı ilə mən Azərbaycan Respublikasında yepiskop kimi xidmət etməyə çağırılmışam. 1944-cü ildən 1998-ci ilə qədər Bakı yeparxiyası Stavropol yeparxiyasının tərkibində olub və indi mənim gözümün qabağına orada xidmət edən arxipastırlar və pastırlar gəlir. Bəziləri haqda mənə danışıblar, bəzilərini özüm görmüşəm, bir çoxu ilə seminariyada oxuyanda və gənc keşiş olanda ünsiyyət qurmuşam. Bu pastırlardan mən Bakıda və Azərbaycanın digər şəhərlərində pravoslav xristianların həyatı, bu mübarək diyarda həmişə mövcud olmuş və indi də qalan xalqlar arasında dostluq haqqında hekayələr eşitmişəm. Arxiyepiskop Antoninin (Zavqorodnıy), arxiyepiskop Aleksandrın (İşein) adlarını ehtiramla xatırlayıram. Mənim üçün arxipastırlığın ən vacib nümunəsi mitropolit Gedeondur (Dokukin). Allahın Qəzzavü-Qədəri ilə 1990-cı ildə Stavropol şəhərində Müqəddəs Həvari Andrey kafedral kilsəsinin qapısından keçəndə Gedeon həzrətləri məni öz ruhani himayəsinə götürdü, Stavropol İlahiyyat Seminariyasına və Sankt-Peterburq İlahiyyat Akademiyasına daxil olmaq üçün xeyir-dua verdi, məni diakon və presviterliyə (keşişliyə) qəbul etdi və mənə rahib mantiyasını təqdim etdi. Mitropolit Gedeondan eşitdiyim o sözlər, onun müdrikliyi, Allaha məhəbbəti, Qafqazda sülhməramlı fəaliyyəti məni bu günə qədər ruhlandırır.

İndi isə, Zati-Müqəddəslərinizin və Allah Kilsəsinin arxipastırlarının qarşısında dayanaraq, sizdən mərhəmətli Allaha müqəddəs dualar etməyinizi xahiş edirəm ki, O, mənim arxpastırlıq xidmətimə xeyir-dua versin və xidmətim Müqəddəs Ana Kilsəmizin rifahı üçün xoş bəhrələr gətirsin.  Qoy müqəddəs İlahiyyatçı Qriqorinin arxipastır haqqında dediyi bu sözləri yepiskopluq borcumu yerinə yetirməkdə mənə örnək olsun: “O, nəinki öz ruhunda olan pis surətləri silməyə, həm də ən yaxşılarını çəkməyə borcludur ki, ləyaqətdə başqalardan üstün olmaqdansa, fəzilətlər baxımından başqalarından üztün olsun” (Müqəddəs İlahiyyatçı Qriqoriy. Moizə 3).