12 iyul - müqəddəs ali həvarilər Peter və Paulun xatirəsi günüdür

İyulun 12-də Kilsə müqəddəs ali həvarilər Peter və Paulun şərəfinə olan bayramı qeyd edir. Həvarilərə ehtiram onların edamından dərhal sonra başladı və onların dəfn olunduğu yer ilk xristianlar üçün müqəddəs idi. Onların xatirəsinin bir gündə birgə qeyd edilməsi artıq xristianlığın ilk əsrlərindən yayılmışdır. Ali həvarilərin xatirəsini qeyd edən Kilsə müqəddəs Peterin ruhani möhkəmliyini və müqəddəs Paulun hikmətini tərənnüm edir, onlarda günahdan sonra tövbə edənlərin və islah olunub iman gətirənlərin surətini tərənnüm edir: Həvari Peterdə - Rəbbi rədd edib sonradan tövbə edənin surətini, Həvari Paulda - Rəbbin Kəlamına müqavimət göstərən lakin sonra iman gətirənin surətini.
Bakı şəhəri Müqəddəs Mürr-Daşıyan Zənənlər kafedral kilsəsində keçirilən bayram ibadətinə  Bakı və Azərbaycan yepiskopu Aleksiy başçılıq edib. Yepiskopu kafedral kilsəsinin ruhaniləri müşayiət ediblər.