Yepiskop Aleksinin Lənkərana arxipastır səfəri başlayıb

İyulun 19-da, Azərbaycanda pravoslav prixodlarının həyatı ilə tanışlıq çərçivəsində, Bakı və Azərbaycan yepiskopu Aleksinin ölkənin ən cənub bölgəsinə - Lənkəran şəhərinə ilk arpastır səfəri başlayıb.

Lənkəranda yepiskop Aleksiy Qafqaz Müsəlmanları İdarəsinin Lənkəran, Astara, Lerik və Yardımlı rayonları üzrə qazısı (nümayəndəsi) Hacı Sədi tərəfindən səmimiyyətlə qarşılanıb.

Lənkərana gəldikdən sonra yepiskop Aleksiy Lənkəran Rayon İcra Hakimiyyətinin başçısı Taleh Qaraşevlə görüşüb. Hörmətli qonağı salamlayan T.Qaraşev yepiskopu bu vəzifəyə təyin olunması münasibətilə təbrik edib, Azərbaycanın rifahı, çoxmillətli Azərbaycan cəmiyyətinə xas olan mənəviyyat və ənənəvi dəyərlərin möhkəmləndirilməsi naminə yepiskopun fəaliyyətinə Ulu Tanrının yardımını diləyib. İcra Hakimiyyətinin başçısı Lənkəran rayonunun həyatından danışıb, Lənkəranda qədim zamanlardan müxtəlif millətlərin, o cümlədən rusların nümayəndələrinin yaşadığını bildirib. Yepiskop Aleksiy, öz növbəsində, səmimi qəbula görə, eləcə də rayonun pravoslav sakinlərinə göstərilən hərtərəfli dəstəyə və Lənkəran pravoslav kilsəsinin ehtiyaclarına diqqət və qayğıya görə T.Qaraşeva minnətdarlığını bildirib. Yepiskop salamlama nitqini Uca Yaradandan sülh, cansağlığı və kömək diləməsi ilə yekunlaşdırdı. Görüş zamanı prixod infrastrukturunun inkişafı və onun qarşıdan gələn qeydiyyatı ilə bağlı məsələlər də müzakirə olunub. Görüşün sonunda yepiskop Aleksiy və Taleh Qaraşev bir-birlərinə xatirə hədiyyələrini təqdim etdilər.

Görüş zamanı arxiyereyi iqumen Kirill (Nikitin), Lənkəran şəhəri Allahın Əqdəs Validəsinin Dua Örpəyi kilsəsinin baş keşişi, protoiyerey Aleksandr Astaşkin və Yeparxiyanın ictimai təşkilatlarla qarşılıqlı əlaqələr şöbəsinin rəhbəri protoiyerey Mefodiy Əfəndiyev müşayiət ediblər.

Həmin gün yepiskop Aleksiy Lənkəran şəhərindəki Allahın Əqdəs Validəsinin Dua Örpəyi kilsəsini ziyarət edib, kilsə və ətraf ərazinin abadlaşdırılması istiqamətində aparılan işlərlə tanış olub. Səfər zamanı arxipastır kilsə ərazisində təmizlik işlərinin aparılmasında fəal iştirak edən Azərbaycanın Rus Gəncləri Assosiasiyasının nümayəndələri ilə söhbət edib. Yepiskop Aleksiy həmçinin Böyük Vətən Müharibəsində iştirak etmiş Azərbaycan qəhrəmanlarının xatirəsinə Bakı Rus Evinin dəstəyi ilə kilsənin yanında salınmış “Yaddaş bağı”na, pravoslav xristian qəbiristanlığına və qardaş məzarlıqlara baxıb.

Səfər çərçivəsində yepiskop Aleksiy Lənkəranın görməli yerlərini - “Böyük bazarı", Cümə məscidini, xan sarayında yerləşən Lənkəran rayon tarix-diyarşünaslıq muzeyini, çay plantasiyasını və cənub bölgəsinin təbii incisi olan Xanbulan gölünü ziyarət edib.