Bazar günü məktəblərin şagirdləri üçün “Yay düşərgəsi” təşkil olunub

Bakı və Azərbaycan yepiskopu Aleksinin xeyirduası ilə, iyulun 29-30-u Bakı şəhərinin bazar günü məktəblərin şagirdləri üçün Şamaxı rayonu Çuxuryurd kəndində “Yay düşərgəsi” təşkil olunub. “Yay ​​düşərgəsi” -  bir neçə il əvvəl Bakı şəhəri Ali-Mələk Mikayıl kilsəsinin baş keşişi protoiyerey Mefodiy Əfəndiyevin təşəbbüsü, "VTB Azərbaycan" bankının sponsor dəstəyi, Bakı Rus Evi və Azərbaycan Rus Gəncləri Assosiasiyasının könüllülərinin təşkilatçı iştirakı ilə hər il həyata keçirilən xeyriyyə layihəsidir. 
“Yay ​​düşərgəsi”ni protoiyerey Mefodiy Əfəndiyev və Bakı Rus Evinin rəhbəri müavini Dmitri Yeqorov açıq elan etdilər və layihənin gənc iştirakçılarına xoş istirahət, xoş əhval-ruhiyyə və çoxlu müsbət emosiyalar arzuladılar. 
Uşaq bazar günü məktəblərinin şagirdləri üçün “Nə? Harada? Nə vaxt?” intellektual oyununda iştirakı, maliyyə savadlılığı və robototexnika dərslərini idman yarışlarını, rəsm üzrə ustad dərsini nəzərdə tutan iki günlük proqram tərtib edilmişdir.
Düşərgənin bağlanış mərasimində protoiyerey Mefodiy Əfəndiyev, D.Yeqorov və "VTB Azərbaycan" bankının kreativ meneceri Ayaz Babayev uşaqlara fəal iştiraklarına görə təşəkkür edib və onlara xatirə hədiyyələri təqdim ediblər. Gənc iştirakçılar və onların valideynləri gurultulu alqışlarla layihə təşkilatçılarına minnətdarlıqlarını bildirdilər.