Yepiskop Aleksiy ABŞ səfirliyinin siyasi və dini məsələlər üzrə müşaviri ilə görüşüb

Bakı Yeparxiyasının Pravoslav Dini-Mədəni Mərkəzində Bakı və Azərbaycan yepiskopu Aleksiy ilə ABŞ səfirliyinin siyasi və dini məsələlər üzrə müşaviri Diana Braun arasında görüş keçirilib.

Ziyarət çərçivəsində Diana Braun Bakı şəhəri Müqəddəs Mürr-Daşıyan Zənənlər kafedral kilsəsinin tarixi və hazırkı vəziyyəti ilə tanış olub, yeparxiya muzeyi və kitabxanasında olub. Görüş zamanı yepiskop Aleksiy Azərbaycanın pravoslav icmasının həyatı, ölkədə baş verən səmərəli dinlərarası dialoq və multikulturalizmin Azərbaycan modeli haqqında danışıb. Arxiyerey Azərbaycan dövlətinin Bakı Yeparxiyasının və Respublikanın pravoslav xristianlarının ehtiyaclarına qayğısını xüsusi qeyd edib.