14 Avqust - Rəbbin Həyat verən Xaçının Həqiqi Parçalarının nümayişi bayramıdır

Avqustun 14-də Kilsə Rəbbin Həyat verən Xaçının şərəfinə xüsusi bayram keçirir və onu imanlıların qarşısında ehtiram üçün nümayiş etdirir. Bu ənənə Konstantinopoldan qaynaqlanır. Ö dövrün Konstantinopol şəhərində avqust ayında çox tez-tez baş verən xəstəliklərə görə şəhər məkanlarını təqdis etmək və xəstəliklərdən qorunmaq üçün qədim zamanlardan yollarda və küçələrdə Həqiqi Xaçı nümayiş etdirmək adəti yaranmışdır. Rus Kilsəsinin ənənəsinə görə həmin gün suya və yeni məhsul bala xeyir-dua verilir. Müqəddəs Mürr-Daşıyan Zənənlər kafedral kilsəsində keçirilən bayram Liturgiyasına Bakı və Azərbaycan yepiskopu Aleksiy başçılıq edib. Yepiskopu kafedral kilsəsinin ruhaniləri müşayiət ediblər. İbadət zamanı həmçinin suya və bala xeyirdua verilib.

İbadətin sonunda yepiskop Aleksiy toplaşanlara Rəbbin Xaçı haqqında moizə ilə müraciət edib.