Yepiskop Aleksiy Kino Festivalları və Beynəlxalq Proqramlar Mərkəzinin prezidenti ilə görüşüb

Noyabrın 28-dən 30-dək Azərbaycanda “Rus dili: MDB ölkələrində oxuyuruq, dinləyirik, izləyirik” layihəsinin III mərhələsi keçirilir. Tədbir Rusiya Federasiyasının Mədəniyyət Nazirliyi, ROSKONSERT,  Film Festivalları və Beynəlxalq Proqramlar Mərkəzi tərəfindən Moskva şəhəri L.N. Tolstoy Dövlət Muzeyi, "KinoFokus" şirkəti, "Rossotrudniçestvo", Azərbaycan Respublikasının, Tacikistan Respublikasının, Özbəkistan Respublikasının dövlət təhsil və mədəniyyət müəssisələrinin iştirakı ilə təşkil olunub. Layihə proqramına Azərbaycan, Tacikistan və Özbəkistanın müxtəlif məkanlarında çoxjanrlı tədbirlər - ustad dərsləri, sərgilər, dəyirmi masalar, musiqili axşamlar daxildir. 
Noyabrın 30-da Bakı Yeparxiyasının Pravoslav Dini-Mədəni Mərkəzində Bakı və Azərbaycan yepiskopu Aleksiy ilə layihənin təşkilatçılarından biri, Film Festivalları və Beynəlxalq Proqramlar Mərkəzinin prezidenti T.V.Şumova ilə görüş keçirilmişdir. Tatyana Vladimirovna Müqəddəs Mürr-Daşıyan Zənənlər kafedral kilsəsini ziyarət etdi, yeparxiya muzeyinin sərgisi və dini-mədəni mərkəzin kitabxanası ilə tanış oldu. Görüş zamanı qonaq Mərkəzin fəaliyyətindən, həyata keçirdiyi beynəlxalq layihələrdən danışıb. Yepiskop Aleksiy də öz növbəsində Azərbaycanın pravoslav icmasının həyatından və qarşıda duran yeparxiya layihələrindən danışıb. Həmçinin mümkün əməkdaşlıq perspektivləri də müzakirə olundu.