Azərbaycan Dillər Universitetində Rus dili kafedrası açılıb

Azərbaycan Dillər Universitetində Rus dili kafedrasının açılışına həsr olunmuş təntənəli tədbir keçirilib. Tədbirdə universitetin rektoru, akademik Kamal Abdullayev, Rusiyanın Azərbaycandakı fövqəladə və səlahiyyətli səfiri Mixail Yevdokimov, Bakı və Azərbaycan yepiskopu Aleksiy, “Rossotrudniçestvo”nun Azərbaycandakı nümayəndəliyinin rəhbəri İrek Zinnurov, təhsil qurumunun müəllim və tələbələri iştirak ediblər. Açılışda çıxış edən yepiskop Aleksiy həzrətləri yeni yaradılmış kafedranın professor-müəllim heyətinə səmərəli iş, tələbələrə isə rus dilinin öyrənilməsində uğurlar arzulayıb.