Yeparxiya şöbəsinin rəhbəri həbsxana kapellanların görüşündə iştirak edib

İyunun 25-dən 28-dək Parisdə Avropa və Yaxın Şərq üzrə Beynəlxalq Həbsxana Kapellanları Assosiasiyasının regional bölməsinin Rəhbər Komitəsinin üzvlərinin iclası keçirilib. İclas iştirakçıları rayon bölməsinin işinin optimallaşdırılması ilə bağlı bir sıra məsələləri müzakirə etmiş, qurumun hüquqi statusunun yüksəldilməsinə yönəlmiş bir sıra mühüm qərarlar qəbul etmiş, yaxın vaxtlarda həyata keçiriləcək tədbirlər planı hazırlanmışdır. Komitə üzvlərinin iclasında Beynəlxalq Həbsxana Kapellanları Assosiasiyasının prezidenti Devid Byuik də iştirak edib. Cənab D.Byuik çıxışında bu il keçirilməsi planlaşdırılan və Assosiasiyanın yaradılmasının 40 illiyinə təsadüf edən beynəlxalq konfransa hazırlıqla bağlı görülən işlərdən danışıb.

Görüş çərçivəsində Fransa həbsxanalarının milli protestant pastoru Filip Oruz Komitə üzvləri üçün Fransanın paytaxtının ən qədim həbsxanası olan Parisin “La Sante” penitensiar mərkəzinə səfər təşkil edib. Cəzaçəkmə müəssisəsinə başçəkmə zamanı qonaqlara cəzaçəkmə müəssisəsinin yaranma tarixindən danışılıb, habelə məhkumların saxlanma şəraiti ilə tanış olmaq imkanı yaradılmışdır.

Bakı və Azərbaycan yepiskopu Aleksinin xeyir-duası ilə Rəhbərlik Komitəsi üzvlərinin iclasında yeparxiyanın cəzaçəkmə müəssisələrində xidmət üzrə şöbəsinin rəhbəri protoiyerey Mefodiy Əfəndiyev iştirak etmişdir.