Bakıda “Azərbaycanda pravoslav zəvvarlığın inkişafı” mövzusunda dəyirmi masa keçirilib

Bakı Yeparxiyası tərəfindən Rusiya və Belarusun zəvvar xidmətlərinin rəhbərləri üçün keçirilən məlumat turundan sonra Yeparxiyanın Pravoslav Dini-Mədəni Mərkəzində “Azərbaycanda pravoslav zəvvarlığın inkişafı” mövzusunda dəyirmi masa keçirilib. Rus Pravoslav Kilsəsinin zəvvarlığın inkişafı və qüdsiyyətlərin gətirilməsi üzrə Komissiyasının sədri Pskov və Porxov mitropoliti Matfey və Komissiyanın üzvü iqumenya Mixaila (Soloduxina) dəyirmi masa müzakirələrinə  video-əlaqə vasitəsilə qoşulublar.

İştirakçıları salamlayan Bakı və Azərbaycan yepiskopu AleksiyAzərbaycanın böyük mənəvi, tarixi və mədəni potensialından danışıb ki, bu da ölkəni təkcə turistlər üçün deyil, həm də pravoslav zəvvarları üçün cəlbedici edir. Mitropolit Matfey müraciətində qeyd edib ki, zəvvarlıq qonşu ölkələr arasında mədəniyyətlərarası və millətlərarası dialoqun gücləndirilməsində əsas komponentə çevrilə bilər. Bakı Yeparxiyasının zəvvarlıq şöbəsinon rəhbəri protoiyerey Dionisiy Sveçnikov “Pravoslav ailə zəvvarlığı” mövzusunda məruzə ilə çıxış edib. Dəyirmi masa iştirakçıları pravoslav ziyarəti ilə bağlı fikir, qabaqcıl təcrübə və faydalı məlumatlar mübadiləsi aparıb, onun Azərbaycanda inkişaf imkanlarını və perspektivlərini müzakirə ediblər. İştirakçılar yepiskop Aleksiyə və Bakı Yeparxiyasının zəvvarlıq şöbəsinin əməkdaşlarına Azərbaycan torpağında  səmimi qəbula görə təşəkkür edib və səmərəli əməkdaşlığa ümid etdiklərini bildiriblər.