Kilsə xoru musiqi layihəsinin təqdimatında iştirak edib

Oktyabrın 28-i Üzeyir Hacıbəyli adına Bakı Musiqi Akademiyasının Böyük Zalında "Klassik musiqi zamanı" layihəsinin təqdimatı və görkəmli Azərbaycan bəstəkarları Üzeyir Hacıbəyli və M. Maqomayevin yubileylərinə həsr olunmuş konsert keçirilib.
"Üzeyir Hacıbəyli — 140" festivalı çərçivəsində keçirilən layihənin bədii rəhbəri, sənətşünaslıq üzrə fəlsəfə doktoru Alena İnyakina layihənin əsas məqsədi — milli və dünya akademik musiqisini bugünkü Azərbaycan gəncliyi üçün daha əlçatan və başa düşülən etmək barədə danışdı.
Tədbir zamanı BMA-nın Tarix və Nəzəriyyə fakültəsinin tələbələri görkəmli Azərbaycan bəstəkarlarının yaradıcılığı haqqında maraqlı faktları tamaşaçılarla bölüşdülər. Hər təqdimat Azərbaycan musiqisinin korifeylərinin əsərlərinin ifası ilə müşayiət olundu. Konsert proqramına Bakı Musiqi Akademiyasının məzunları və tələbələrinin çıxışları daxil idi.
Bakı və Azərbaycan yepiskopu Aleksiy həzrətlərinin xeyir-duası ilə Birləşmiş Xor Hərəkatının əməkdar xadimi Kristina Əfəndiyevanın rəhbərlik etdiyi Bakı Ali-Mələk Mikayıl kilsəsinin xoru tədbirdə iştirak edib.