Nizami Kino Mərkəzində "Harmoniya" sənədli filminin təqdimat mərasimi keçirilib

Film Azərbaycan Respublikası Dini Qurumlarla İş üzrə Dövlət Komitəsi, Mənəvi Dəyərlərin Təbliği Fondu və Bakı Media Mərkəzinin birgə layihəsidir. Film üç dinin — Xristianlıq, İslam və Yəhudiliyin nümayəndələri arasında dostluq münasibətlərindən və onların Azərbaycanda multikulturalizm mövzusuna həsr olunmuş "Harmoniya" fotosərgisindəki əməkdaşlığından bəhs edir. Təqdimat mərasimində Bakı Media Mərkəzinin direktoru Arzu Əliyeva, Azərbaycan Respublikası Dini Qurumlarla İş üzrə Dövlət Komitəsinin sədri Ramin Məmmədov, Bakı və Azərbaycan yepiskopu Aleksiy,  Azərbaycan Dağ Yəhudiləri Dini İcmasının sədri Milix Yevdayev, Alban-Udi İcmasının rəhbəri Robert Mobili və din, mədəniyyət və ictimai xadimlər iştirak ediblər.