Bakı Beynəlxalq Muğam Mərkəzində Milad bayramı konserti keçirilib

Bakı Beynəlxalq Muğam Mərkəzində Bakı Yeparxiyasının ənənəvi olaraq Milad günlərində təşkil etdiyi Milad bayramı konserti keçirilib. Tamaşaçılara Bakı və Sumqayıt musiqi məktəbləri şagirdlərinin, Ü. Hacıbəyli adına Dövlət Musiqi Akademiyası tələbələrinin ifasında musiqi nömrələri təqdim olundu. Konserti Rusiyanın Azərbaycandakı səfiri M. N. Yevdokimov, Belarus Respublikasının Azərbaycandakı səfiri A. A. Ravkov, Monteneqronun Azərbaycandakı səfiri M. Buriç, diplomatlar və diplomatik nümayəndəliklərin əməkdaşları, din, ictimai və mədəniyyət xadimləri, Bakı kilsələrinin imanlıları seyr ediblər. Musiqili gecənin sonunda əməkdar artist V.Məstanovun rəhbərliyi altında Bakı kafedral kilsəsinin arxiyerey xoru çıxış etdi. Bakı Yeparxiyasının katibi arximandrit AleksiY (Nikonorov) tədbir iştirakçılarına salamlama nitqi ilə müraciət etdi.