Bakı yeparxiyası İlham Əliyevi Prezidenti seçkilərində qələbəsi münasibətilə təbrik edir

Bakı və Azərbaycan yeparxiyası ölkənin siyasi lideri İLHAM ƏLİYEVİ Azərbaycan Respublikasının Prezidenti seçkilərində qəti və inandırıcı qələbəsi münasibətilə təbrik edir!

Çoxmillətli Azərbaycan xalqının böyük əksəriyyəti öz səsini uzaqgörən müdrikliyi, əyilməz iradəsi, dövlət quruculuğuna və təhlükəsizliyin təmin edilməsinə dair prioritet vəzifələrə strateji baxışı və Vətənə səmimi sevgisi ilə müharibə dövrünü sona yetirmiş və ölkəsini sülh və firavanlıq dövrünə çatdırmış Prezidentinə verdi. Prezident İlham Əliyevin sayəsində Azərbaycan bu gün regionda aparıcı siyasi rollardan birini oynayan güclü dövlətdir. Ölkənin ərazi bütövlüyünün bərpası dövlətin inkişafı və Azərbaycanın beynəlxalq aləmdə mövqelərinin möhkəmlənməsi üçün yeni üfüqlər açdı.

Bu gün Azərbaycan müxtəlif millətlərin və dini baxışların nümayəndələrinin öz vətəninin rifahı və firavanlığı naminə ümumi ideya ilə birləşərək sülh və əmin-amanlıq şəraitində yaşadığı dövlətin bariz nümunəsidir.

Prezident İlham Əliyevin hərtərəfli dəstəyi sayəsində ölkədə ənənəvi dini icmalar arasında konstruktiv dialoq və əməkdaşlıq üçün ən əlverişli şərait yaradılıb. Həmin ənənəvi dini icmalar həm hakimiyyət orqanları, həm də bütün xoşməramlı qüvvələrlə maneəsiz əməkdaşlıq edərək, mənəvi idealların və xalqın birliyinin möhkəmlənməsinə, milli mədəniyyətin qorunmasına mühüm töhfə verirlər.

Azərbaycanın pravoslav xristianları ölkənin ənənəvi dinlərinin nümayəndələri ilə birlikdə dua edirlər ki, İlahi Hikmət Sahibi olan Uca Yaradan yer üzündəki Vətənimizə əmin-amanlıq və firavanlıq bəxş etsin, Prezident İlham Əliyevi uzun illər ərzində sağlıqda, səbrdə və müdriklikdə gücləndirsin!