Azərbaycan Respublikası Prezidentinin sərəncamı ilə arximandrit Aleksiy (Nikonorov) xatirə medalı ilə təltif edilib

Azərbaycan Respublikasının Prezidenti İlham Əliyevin fərmanı ilə Qərbi Avropa Patriarx ekzarxatının ruhanisi, 2021-ci ilin oktyabrından 2024-cü ilin mart ayına kimi Bakı və Azərbaycan Yeparxiyasının katibi, həmçinin mqd. Mürr-Daşıyan Zənənlər kafedral kilsəsinin baş keşişi  vəzifəsində  çalışmış arximandrit Aleksiy (Nikonorov) “Heydər Əliyevin 100 illiyi (1923-2023)” yubiley medalı ilə təltif olunub.
Medal və vəsiqəni  arximandrit Aleksiyə Dini Qurumlarla İş üzrə Dövlət Komitəsinin sədr müavini Sahib Nağıyev təqdim edərək, fəxri və xatirə nişanın dinlərarası və millətlərarası münasibətlərin möhkəmləndirilməsində göstərdiyi səylərə, Azərbaycanın multikultural dəyərlərinin təbliğinə görə verildiyini qeyd edib.
Arximandrit Aleksiy öz növbəsində Bakı Yeparxiyasına göstərilən diqqətə və ona təqdim olunan mükafata görə Azərbaycan Dövlətinə və Prezident İlham Əliyevə dərin minnətdarlığını bildirib.