Qafqaz Müsəlmanlarının Başçısı Azərbaycanın pravoslav xristianlarını Pasxa bayramı münasibətilə təbrik edib

Qafqaz Müsəlmanları İdarəsinin sədri Şeyxülislam Allahşükür Paşazadə Azərbaycanın pravoslav xristianlarını Pasxa bayramı münasibətilə təbrik edib. Təbrikdə deyilir:

“Uca Allahın lütfü ilə biz bir-birimizə heç bir ayrı-seçkilik və fərq qoymadan, xalqların və inancların vahid multikultural ailəsində yaşayırıq. Bu gün Böyük Bayram olan Məsihin Dirilməsini pravoslavlarla birlikdə bütün vətəndaşlar - müsəlmanlar, yəhudilər, digər dinlərin və konfessiyaların nümayəndələri qeyd edir. Sizi təbrik edir, sizə səadət, ruhani və cismani möhkəmlik, müştərək xeyirxah əməl və niyyətlərimizə Uca Yaradandan xeyir-dua diləyirəm”.