9 May - Qələbənin 79-cu ildönümü

Böyük Vətən Müharibəsində Qələbənin 79-cu ildönümünün qeyd olunması ərəfəsində yüzlərlə insan Azərbaycan paytaxtının Nərimanov rayonundakı Kütləvi məzarlıq abidəsinə toplaşmışdılar.
Buraya veteranlar, müharibə iştirakçılarının yaxınları, ictimai təşkilatların nümayəndələri, məktəblilər, səfirlər və diplomatik korpusun əməkdaşları gəliblər. 
Rusiyanın Azərbaycandakı fövqəladə və səlahiyyətli səfiri M. N. Yevdokimov və Müharibə və Əmək Veteranları Təşkilatının sədr müavini polkovnik C. Xəlilov çıxış edərək, anım tədbirinə gələnləri salamladılar. Bakı Yeparxiya İdarəsinin katibi protoiyerey Dionisiy Sveçnikov, protodiakon Vadim Tokarevin müşayiəti ilə Vətən uğrunda canından keçmiş xatirələri əbədi olan öndər və əsgərlərin, yara və aclıqdan dünyasını dəyişənlərin, əsirlikdə və ağır zəhmət  altında günahsız olaraq işgəncələrə məruz qalıb öldürülənlərin və Qələbə uğrunda əməyi keçən bütün insanların ruhlarına litiya duasını oxudu. Sonra Qafqaz Müsəlmanları İdarəsinin nümayəndəsi tərəfindən mərhumlar üçün dua oxundu. Tədbir iştirakçıları keçmiş SSRİ-nin hər yerindən Bakıdakı xəstəxanalarda aldığı yaralardan dünyasını dəyişən əsgərlərin məzarları üzərinə əklil və gül dəstələri qoydular.