Bakı Yeparxiyasının nümayəndəsi Belarus Dili və Mədəniyyəti Mərkəzinin açılışında iştirak edib

Azərbaycan Dillər Universitetində Belarus Dili və Mədəniyyəti Mərkəzinin açılışı olub. Təntənəli tədbirdə Azərbaycan Dillər Universitetinin (ADU) rektoru Kamal Abdullayev, Minsk Dövlət Linqvistika Universitetinin rektoru Natalya Yevgenyevna Lapteva, “Azərbaycan-Belarus” parlamentlərarası əlaqələr üzrə işçi qrupunun rəhbəri Ziyad Səmədzadə, Bakı Beynəlxalq Multikulturalizm Mərkəzinin icraçı direktoru Rəvan Həsənov, Milli Məclisin deputatları, Rusiya Federasiyası və Belarus Respublikasının səfirliklərinin, Bakıdakı Rus Evinin nümayəndələri və digərləri iştirak ediblər.

ADU-nin tələbələri tədbirdə iştirak edənlərin qarşısında çıxış edərək, belarus şairlərinin şeirlərini oxuyublar. Təşkil olunmuş telekörpü vasitəsilə Azərbaycan dilini öyrənən belaruslu tələbələr Azərbaycan şairlərinin şeirlərini oxuyublar.

K. Abdullayev və N. Ye. Lapteva tədbir iştirakçılarına müraciət edərək iki ölkə və xalqlar arasında ictimai həyat sahələrində əlaqələrin möhkəmləndiyini qeyd etdilər.

Tədbirdə Yeparxiyanın ictimai təşkilatlarla qarşılıqlı əlaqələr şöbəsinin rəhbəri protoiyerey Mefodiy Əfəndiyev iştirak edib. Ata Mefodiy ali təhsil ocağının həyatındakı əlamətdar hadisə münasibətilə bütün iştirakçıları təbrik edərək, başlanan işə xeyir-dua verib və mərkəzin yerləşdiyi məkanı təqdis edib.