Bakı və Azərbaycan yeparxiyasinin xəbərləri

Azərbaycanın xristian icmalarının rəhbərlərindən və nümayəndələrindən ibarət nümayəndə heyəti Polşaya səfər edib

Azərbaycanın xristian icmalarının rəhbərlərindən və nümayəndələrindən ibarət nümayəndə heyəti Polşaya səfər edib

Mayın 23-25-də Bakı Beynəlxalq Multikulturalizm Mərkəzinin icraçı direktoru Rəvan Həsənovun rəhbərlik etdiyi Azərbaycandakı xristian icmalarının rəhbərləri və nümayəndələrindən ibarət nümayəndə heyəti Polşada rəsmi səfərdə olub. Pravoslav, alban-udi, katolik və protestant icmalarını təmsil edən din xadimlərinin səfəri Azərbaycan Respublikasının Polşadakı səfirliyi və Bakı Beynəlxalq Multikulturalizm Mərkəzinin birgə təşkilatçılığı ilə baş tutub. Bakı Yeparxiyasını Yeparxiyanın ictimai təşkilatlarla qarşılıqlı əlaqələr şöbəsinin rəhbəri protoiyerey Mefodiy Əfəndiyev təmsil edib.

Mayın 23-də nümayəndə heyətinin üzvləri Azərbaycanın Polşadakı fövqəladə və səlahiyyətli səfiri Nərgiz Qurbanova ilə birlikdə Varşavanın Ali Metropolit Seminariyasında olmuş, burada təhsil ocağının rektoru ata Voytsex Bartkoviç və arxiyepiskop Mixal Yanoxa ilə görüşüblər. Görüş zamanı qonaqlar multikulturalizmin Azərbaycan modeli haqqında danışıb, müasir cəmiyyətdə sabitliyə nail olmaq üçün dinlərarası dialoqun gücləndirilməsinin zəruriliyi barədə Polşa tərəfi ilə fikir mübadiləsi aparıblar.

Həmin gün nümayəndə heyəti Azərbaycanın Müstəqillik Gününün 106-cı ildönümünün qeyd olunmasına həsr olunmuş rəsmi ziyafətdə iştirak etmişdir.

Mayın 24-də nümayəndə heyətinin üzvləri Varşava kardinalı Kajımij Nic, Xristian İlahiyyat Akademiyasının dekanı Yejı Ostapçuk və mqd. İohann Lestviçnik kilsəsinin baş keşişi protoiyerey Andrey Misyukla (Polşa Pravoslav Kilsəsi) görüşmüşlər. Görüşlər zamanı qonaqlar Polşa tərəfinə Azərbaycanda xristianlığın tarixi və xristian icmalarının müasir həyatı, Azərbaycan cəmiyyətinin həyatında dinlərarası dialoqun yeri və ölkə rəhbərliyinin həyata keçirdiyi multikulturalizm siyasəti barədə ətraflı məlumat veriblər.

Həmin gün Varşavanın mərkəzində Heydər Əliyev Fondunun, Bakı Beynəlxalq Heydər Əliyev Mərkəzinin və Azərbaycan Respublikasının Polşadakı səfirliyinin birgə təşkilatçılığı ilə “Azərbaycanın Xristian İrsi” fotosərgisinin açılışı olub. Sərginin açılışında Azərbaycanın Polşadakı səfiri Nərgiz Qurbanova, BBMM-nin icraçı direktoru Rəvan Həsənov, Alban-Udi Xristian İcmasının sədri Robert Mobili və Azərbaycanda Katolik Kilsəsinin nümayəndəsi keşiş Selva Kumar salamlama nitqləri ilə çıxış ediblər. İki həftə ərzində Varşava sakinləri və qonaqları fotosərgiyə gələrək Azərbaycandakı xristian icmalarının həyatı ilə tanış olmaq imkanı əldə edəcəklər.

Mayın 25-də nümayəndə heyətinin üzvləri Polşanın baş müftisi Tomaş Miskieviç ilə görüşüb, ona Azərbaycanın strateji əhəmiyyət verdiyi dinlərarası və mədəniyyətlərarası dialoq sahəsində toplanmış təcrübə, multikulturalizmin Azərbaycan modeli barədə məlumat verilib. Görüş çərçivəsində Azərbaycan tərəfi İkinci Dünya Müharibəsi illərində Polşa ordusunda xidmət etmiş, faşizmə qarşı döyüşmüş polkovnik Vəli bəy Yadigarın məzarı üzərinə gül dəstələri düzüb.



Xəbərlər


Bölmənin digər xəbərləri

22 iyun - Əqdəs Üçlük ərəfəsi Valideynlər Şənbəsidir
22.06.2024
7

22 iyun - Əqdəs Üçlük ərəfəsi Valideynlər Şənbəsidir

Həmin gün bütün mərhum pravoslav xristianların xatirəsi anılır. Bakı və Azərbaycan yepiskopu Aleksiy Bakı şəhəri Ali-Mələk Mikayıl  kilsəsində İlahi Liturgiya və mərhumlar üçün litiya duasını keçirib.

Bakı Rus Evində Böyük Vətən Müharibəsinin başlanmasına həsr olunmuş “Xatirə konserti” keçirilib
21.06.2024
10

Bakı Rus Evində Böyük Vətən Müharibəsinin başlanmasına həsr olunmuş “Xatirə konserti” keçirilib

Tədbir Bakı Rus Evi və Ü. Hacıbəyli adına Bakı Musiqi Akademiyasının birgə təşkilatçılığı ilə keçirilib. Konsert başlamazdan əvvəl Bakı və Azərbaycan yepiskopu Aleksiy tədbirdə iştirak edənlərə müraciət edib. Konsert

Yepiskop Aleksiy ilə Süryani Kilsəsinin arxiyepiskopu Yulius Hanna Aydın arasında görüş keçirilib
19.06.2024
9

Yepiskop Aleksiy ilə Süryani Kilsəsinin arxiyepiskopu Yulius Hanna Aydın arasında görüş keçirilib

Almaniyada Süryani Pravoslav Kilsəsinin arxiyepiskop Yulius Hanna Aydının rəhbərlik etdiyi nümayəndə heyəti Bakı şəhəri Müqəddəs Mürr-Daşıyan Zənənlər kafedral kilsəsini ziyarət edib. Kafedralda qonaqları Bakı və Azərbaycan

Xəbərlər

Populyar Xəbərlər

9 May - Qələbənin 79-cu ildönümü
08.05.2024
319
Yeparxiya xəbərləri

9 May - Qələbənin 79-cu ildönümü

Böyük Vətən Müharibəsində Qələbənin 79-cu ildönümünün qeyd olunması ərəfəsində yüzlərlə insan Azərbaycan paytaxtının Nərimanov rayonundakı Kütləvi məzarlıq abidəsinə toplaşmışdılar. Buraya veteranlar, ...

Bakıda VI Ümumdünya Mədəniyyətlərarası Dialoq Forumu işə başlayıb
01.05.2024
219
Yeparxiya xəbərləri

Bakıda VI Ümumdünya Mədəniyyətlərarası Dialoq Forumu işə başlayıb

Azərbaycanın paytaxtında VI Ümumdünya Mədəniyyətlərarası Dialoq Forumu öz işinə başlayıb.  Forumun açılışında Azərbaycan Respublikasının Prezidenti İlham Əliyev çıxış edib.  Beynəlxalq tədbir Azərbaycan ...

Bakıda Pasxa bazarı keçirilib
27.04.2024
197
Yeparxiya xəbərləri

Bakıda Pasxa bazarı keçirilib

Məsihin Dirilməsi Nurlu Bayramı ərəfəsində Bakı Rus Evində xeyriyyə Pasxa bazarı keçirilib. Tədbiri giriş sözü ilə Bakıdakı Rus Evinin rəhbəri İrek Zinnurov və Yeparxiyanın ictimai təşkilatlarla qarşılıqlı əlaqələr üzrə ...

Xəbərlər