Bakı və Azərbaycan yepiskopu Aleksiy Sankt-Peterburq şəhərinə səfər edib
Moskva və Bütün Rusiyanın Patriarxı Kirillin xeyir-duası ilə oktyabrın 24-25-də Bakı və Azərbaycan yepiskopu Aleksiy Sankt-Peterburq şəhərinə səfər edib. Mədəniyyət paytaxtına səfər Sankt-Peterburq İlahiyyat Akademiyasının məzun olmasının 25 illiyinə və turizmin inkişafına həsr olunmuş beynəlxalq konfransda iştiraka təsadüf edib.
Oktyabrın 24-də Aleksiy həzrətləri 25 il əvvəl tanınmış ilahiyyat məktəbində ali ruhani təhsil almış tələbə yoldaşlarının müşayiəti ilə Müqəddəs Həvari və Müjdəçi Yəhya akademik kilsəsində İlahi Liturgiyanı keçirdi. Liturgiyanın sonunda şükür duası oxundu.
İbadətdən sonra yepiskop Aleksiy Sankt-Peterburq İlahiyyat Akademiyasının rektoru, Peterqof yepiskopu Siluan ilə görüşüb. Yepiskop Aleksiy yepiskop Siluana "Alma Mater" ocağında İlahi Liturgiyanı keçirmək imkanına və tələbə yoldaşlarının görüşünü təşkil etdiyinə görə səmimi təşəkkürü bildirdi.
Oktyabrın 25-də yepiskop Aleksiy “Turizm ərazilərinin, o cümlədən YUNESKO-nun yaradıcı şəhərlər şəbəkəsinə daxil olanların sosial-iqtisadi inkişafında kreativ sənayelərin rolu” mövzusunda beynəlxalq konfransda iştirak edib. Yepiskop Aleksiy konfrans iştirakçılarına salamlama ilə müraciət edib. Konfransda iştirak çərçivəsində yepiskop həzrətləri Sankt-Peterburq Hökumətinin Turizmin İnkişafı Komitəsinin sədri vəzifəsini icra edən N.M. Qviçia ilə görüşüb. Görüş zamanı yepiskop Aleksiy Bakı Yeparxiyasının həyatından danışıb, həmçinin Bakı Yeparxiyasına zəvvarlıq səfərləri proqramının inkişafı və əməkdaşlığın perspektivli məsələlərini müzakirə edib.
Bakı Yeparxiyasının Pravoslav Dini-Mədəni Mərkəzində Bakı və Azərbaycan yepiskopu Aleksiy ilə “İçərişəhər” Dövlət Tarix-Memarlıq Qoruğu İdarəsinin sədri Rüfət Mahmud arasında görüş keçirilib.
Avqustun 10-da Kilsə Allahın Əqdəs Validəsinin Smolensk ikonasının xatirəsini qeyd edir. “Odigitria”, yəni “Yolgöstərən” adlandırılan Smolensk ikonası, Kilsə rəvayətinə görə, Müqəddəs Məryəmin yer
Bakı şəhəri Müqəddəs Mürr-Daşıyan Zənənlər kafedral kilsəsinin uşaq bazar günü məktəbinin şagirdləri müəllimləri və valideynləri ilə birlikdə İvanovka kəndindəki Müqəddəs Həvari və Müjdəçi Yəhya prixodunu
Bakı Tolerantlıq Evində Azərbaycanın dini liderlərinin Müqəddəs Taxt-Tacın Dinlərarası Dialoq üzrə Dikasteriyasının prefekti kardinal Corc Ceykob Kuvakad ilə görüşü keçirilib. Görüş iştirakçıları ...
Azərbaycanda rəsmi səfərdə olan Müqəddəs Taxt-Tacın Dinlərarası Dialoq üzrə Dikasteriyasının prefekti kardinal Corc Ceykob Kuvakadın şərəfinə Qafqaz Müsəlmanları İdarəsinin sədri şeyxülislam Allahşükür Paşazadənin ...
Müqəddəs ali həvarilər Peter və Paul bayramından sonrakı gün Kilsə müqəddəs, şanlı və həmdəlayiq On İki Həvari bayramını qeyd edir. Bu, Kilsənin ən qədim bayramlarından biridir və onun qeyd olunmasına dair ilk məlumatlara IV əsr ...
28.10.2024
499
