Niс kəndində ilk dəfə arxiyerey İlahi liturgiyası keçirilib

Qəbələ rayonunun Niс kəndində yerləşən Müqəddəs Еlişa “Cotari” qədim udi kilsəsində tarixdə ilk dəfə arxiyerey İlahi liturgiyası keçirilib. İbadətə Bakı və Azərbaycan yepiskopu Aleksiy başçılıq edib. Yepiskopu Bakı Yeparxiya İdarəsinin katibi, protoiyerey Dionisiy Sveçnikov, iqumen Kirill (Nikitin) və protodiakon Vadim Tokarev müşayiət ediblər. İbadət ilahilərini Nelli İsrafilovanın rəhbərliyi altında Bakı şəhəri Müqəddəs Mürr-Daşıyan Zənənlər kafedral kilsəsinin ifaçıları səsləndiriblər. İbadətdə Alban-udi xristian icmasının üzvləri dua ediblər.

Liturgiyanın sonunda yepiskop Aleksiy kilsəyə toplaşanlara Məsihin Miladı bayramı münasibətilə təbrik sözləri ilə müraciət etdi. Alban-Udi icmasının rəhbəri Robert Mobili arxiyereyi pravoslav udilərə mənəvi dəstəyə görə təşəkkür edib və Bakı yeparxiyası ilə gələcək əməkdaşlığa ümid etdiyini bildirib.