Fevralın 9-da Rus Kilsəsinin yeni şəhidləri və iman şahidlərinin bayramı qeyd edilir

Fevralın 9-da Rus Kilsəsinin yeni şəhidləri və iman şahidlərinin bayramı qeyd edilir. Həmin gün Müqəddəs Kilsə Məsihin imanı uğrunda təqib illərində əzab çəkən bütün dünyasını dəyişənlərin xatirəsini də yad edir. Qəddar və qanlı XX əsr Rusiya kilsəsi üçün xüsusilə faciəli oldu; təqib illərində vəhşicəsinə qətlə yetirilən və işgəncələrə məruz qalanlar arasında saysız-hesabsız imanlılar, rahiblər, keşişlər və yepiskoplar var idi ki, onların yeganə günahı Allaha möhkəm imanları idi. XX əsrdə imanlarına görə əzab çəkənlər arasında 1918-ci ildə Bakıda kilsə həyatına rəhbərlik etmiş keşiş şəhid Kirill (Smirnov), 1920-1930-cu illərdə keçmiş Bakı yepiskopları: şəhid Dmitriy (Dobrosedov), arxiyepiskop Serafim (Protopopov), yepiskop Nikon (Purlevskiy), yepiskop Valerian Rudiç, həmçinin Bakı presviteri şəhid İoann  (Qançev), 2000-ci ilin yubiley Arxiyerey Şurasında Rus Kilsəsinin yeni şəhidlərin və iman şahidlərinin müqəddəslər kimi izzətləndirilməsi, minilliklərin qovşağında, radikal ateizmin dəhşətli dövrünün altından xətt çəkdi.
Rus Kilsəsinin yeni şəhidləri və  iman şahidlərinin bayramı günündə Bakı və Azərbaycan yepiskopu Aleksiy Bakı şəhəri Müqəddəs Mürr-Daşıyan Zənənlər kafedral kilsəsində İlahi Liturgiya keçirib. Arxiyereyi kafedral kilsəsinin ruhaniləri müşayiət ediblər. İbadətin sonunda yepiskop Aleksiy toplaşanlara Rus Kilsəsinin yeni şəhidlərinin və iman şahidlərinin şücaəti mövzusunda xütbə ilə müraciət etdi.