Yeparxiya şöbəsinin rəhbərii Serbiyanın Dövlətçilik Günü münasibətilə keçirilən qəbulda iştirak edib

Serbiyanın Azərbaycan Respublikasındakı səfirliyi tərəfindən Serbiyanın Dövlətçilik Günü münasibətilə Bakıda rəsmi qəbul keçirilib. Tədbir Azərbaycanın və Serbiyanın dövlət himnlərinin səsləndirilməsi ilə açılmış, daha sonra Serbiyanın Azərbaycandakı fövqəladə və səlahiyyətli səfiri Draqan Vladislavleviç və Azərbaycan Respublikasının maliyyə naziri Sahil Babayev tədbir iştirakçılarına salamlama sözləri ilə müraciət etmişlər.

Ziyafətdə Azərbaycanda akkreditə olunmuş diplomatik nümayəndəliklərin rəhbərləri və nümayəndələri, rəsmi şəxslər, ictimaiyyət nümayəndələri və digərləri iştirak ediblər.

Bakı yeparxiyasını tədbirdə yeparxiyanın ictimai təşkilatlarla qarşılıqlı əlaqələr şöbəsinin rəhbəri, protoiyerey Mefodiy Əfəndiyev təmsil edib.