Yepiskop Aleksiy Dini Qurumlarla İş üzrə Dövlət Komitəsinin sədri ilə görüşüb

Azərbaycan Respublikasının Dini Qurumlarla İş üzrə Dövlət Komitəsində Komitənin sədri Ramin Məmmədov ilə Bakı və Azərbaycan yepiskopu Aleksiy arasında görüş keçirilib. Görüşdə Ramin Məmmədov Azərbaycan dövlətinin dini icmalara göstərdiyi diqqət və qayğıdan danışıb, əsası ümummili lider Heydər Əliyev tərəfindən qoyulmuş dövlət-din siyasəti Prezident İlham Əliyevin uğurla davam etdirdiyi multikulturalizm dövlət siyasətində hərtərəfli inkişaf etdirildiyini xüsusi vurğulamışdır. Fürsətdən istifadə edərək, yepiskop Aleksiy ölkənin dini icmalarına hər il göstərilən maliyyə dəstəyinə görə cənab Prezidentə minnətdarlığını bildirib və konstruktiv dinlərarası dialoq ənənələrinin təbliğində və dünya miqyasında multikultural dəyərlərin inkişafında Azərbaycanın rolunu yüksək qiymətləndirib.