Yepiskop Aleksiy isim gününü qeyd edib

30 mart – Allah adamı,  Müqəddəs Aleksinin xatirəsi günüdür. Bu gün Bakı və Azərbaycan yepiskopu Aleksiy isim gününü qeyd edir. Yepiskop Aleksinin isim günü sevincini bölüşmək və onu qarşıdan gələn 50 illik yubileyi münasibətilə təbrik etmək üçün Bobruysk və Bıxov yepiskopu Serafim və Merano şəhərinin Müqəddəs Ecazkar Nikolay kilsəsinin baş keşişi arximandrit Sergiy (Akimov) Bakıya gəliblər. 
Ərəfə axşamı, martın 29-da, Müqəddəs Mürr-Daşıyan Zənənlər kafedral kilsəsində gecə ibadəti,  bayram günü isə İlahi Liturgiya keçirildi. Yepiskopları Bakı yeparxiyasının ruhaniləri, arximandrit Sergiy (Akimov) və Bobruysk şəhər dairəsinin məsul keşişi Sergiy Qusar müşayiət ediblər. İbadətdə Rusiya Federasiyasının Azərbaycan Respublikasındakı fövqəladə və səlahiyyətli səfiri Mixail Yevdokimov, Belarus Respublikasının Azərbaycan Respublikasındakı fövqəladə və səlahiyyətli səfiri Dmitri Pineviç xanımı ilə birlikdə, Azərbaycan Rus İcmasının sədri Mixail Zabelin iştirak ediblər. 
Xidmətin sonunda yepiskop Serafim yepiskop Aleksini isim günü və qarşıdan gələn yubiley münasibətilə təbrik etdi. Yeparxiyanın din xadimləri adından yepiskop Aleksini Bakı şəhəri Müqəddəs Mürr-Daşıyan Zənənlər kafedral kilsəsinin baş keşişi protoiyerey Dionisiy Sveçnikov təbrik etdi. Arxipastırı həmçinin kafedral kilsəsinin uşaq bazar günü məktəbinin şagirdləri, imanlılar və gənclər də təbrik etdilər.