Moskva və Bütün Rusiyanın Patriarxı Kirill Müqəddəsləri Bakı və Azərbaycan yepiskopu Aleksini 50 illik yubileyi münasibətilə təbrik edib

Bakı və Azərbaycan yepiskopu Aleksiy həzrətlərinə

Zati-həzrətləri!

Sizi 50 illiyiniz münasibətilə təbrik edirəm.

Siz gənclik illərində özünüzü Allaha xidmətə həsr etmək qərarına gəldiniz və bu çağırışa əməl edərək, doğma Stavropol diyarında Sizə həvalə edilmiş müxtəlif vəzifələri yerinə yetirmək üçün sarsılmaz şövq ilə çalışdınız.

Rəbb Öz müdrik qəzavü-qədəri ilə Sizi Öz tarlasında daha məsuliyyətli işə çağırdı və yepiskopluq püşkünü Sizə həvalə etdi. Sizə həvari vəzinin izzəti ilə aydınlanmış və xristian şəhidlərinin qanı ilə bol sulanmış Azərbaycan torpağında yepiskopluq xidmətini yerinə yetirmək tapşırılıb.Cənubi Qafqazda müqəddəs pravoslavlığın qorunub-saxlanılması, xoş ənənələri mərhum sələfiniz, arxiyepiskop Aleksandr (İşeyin) tərəfindən qoyulmuş dinlərarası dialoqun uğurla inkişafı Rus Pravoslav Kilsəsi üçün xüsusi əhəmiyyət kəsb edir.

Siz, hər bir insanı Məsihdə kamilləşmiş olaraq Allaha təqdim etmək üçün (Kol 1,28), sizə tapşırılan sahədə yeparxiya həyatının inkişafı və imanlıların təqva içində böyüməsinin qayğısına qalırsınız.

Xidmətinizi nəzərə alaraq və yubileyinizin qeyd olunması ilə əlaqədar olaraq, sizi müqəddəs Sarovlu Serafim ordeni (III dərəcəli) ilə təltif etməyi ədalətli hesab edirəm.

Qoy külli-səxavətli Allah Sizi yüksək yepiskop xidmətinin layiqincə yerinə yetirməsində qüvvətləndirsin, gücünüzü təzələsin və əməllərinizdə Sizi müdrik etsin ki, Rəbbin kəlamı bundan sonra da sürətlə yayılıb izzət qazansın (2 Sal 3, 1).

Məsihdə sevgi ilə,

+KİRİLL, MOSKVA VƏ BÜTÜN RUSİYANIN PATRİARXI