Bakıda Pasxa bayramı

Azərbaycanın pravoslav icması Məsihin Şanlı Dirilməsini qeyd edir. Pasxa günü Bakı şəhəri Müqəddəs Mürr-Daşıyan Zənənlər kafedral kilsəsində keçirilən bayram ibadətlərinə Bakı və Azərbaycan yepiskopu Aleksiy başçılıq edib. Arxiyereyi kafedral kilsəsinin ruhaniləri müşayiət ediblər. 
Bayram ibadətində Belarus Respublikasının Azərbaycan Respublikasındakı fövqəladə və səlahiyyətli səfiri D. L. Pineviç, Azərbaycanın Rus İcmasının sədri M. Y. Zabelin, Azərbaycanda akkreditə olunmuş diplomatik nümayəndəliklərin əməkdaşları, Azərbaycan Respublikası Dini Qurumlarla İş üzrə Dövlət Komitəsinin nümayəndələri, imanlılar və Azərbaycan paytaxtının sakinləri iştirak ediblər. Liturgiya ilahilərini Azərbaycanın əməkdar artisti Vaqif Məstanovun rəhbərliyi ilə arxiyerey xoru və Neli İsrafilovanın rəhbərliyi ilə kafedral kilsəsinin klirosu  ifa ediblər. İbadət Bakıda qastrol səfərində olan Moskva “Helikon-Opera” musiqili teatrının solistlərinin ifası ilə daha da zənginləşdi.
İbadət zamanı Patriarx Kirillin Müqəddəslərinin Rus Pravoslav Kilsəsinin arxipastlarına, pastırlarına, diakonlarına,  rahib və rahibələrinə və bütün sadiq övladlarına Pasxa təbriki və Azərbaycan Respublikasının Prezidenti İlham Əliyevin Pasxa bayramı münasibətilə təbriki oxunub. İbadətin sonunda yepiskop Aleksiy imanlıları Pasxa bayramı münasibətilə təbrik etdi.