Müqəddəs Od Bakıya çatdırıldı

Pasxa Həftəsinin bazar ertəsi Müqəddəs Od Yerusəlimdən Bakıya gətirildi. Od hər il Müqəddəs Şənbə günü Yerusəlimdəki Müqəddəs Məzar Kilsəsində yandırılır və oradan dünyanın müxtəlif yerlərinə daşınır. Müqəddəs Od ilə çıraq Arxangel Mixail (Ali-Mələk Mikayıl)  Fondunun prezidenti Yelena İqorevna Milskaya tərəfindən Müqəddəs Mürr-Daşıyan Zənənlər kafedral kilsəsinə çatdırıldı. Azərbaycan paytaxtının baş kilsəsində Müqəddəs Odu Bakı və Azərbaycan yepiskopu Aleksiy başda olmaqla yeparxiyanın ruhaniləri və  imanlıları qarşılayıblar. Pasxa duasının sonunda yepiskop Aleksiy Yelena Milskayaya Müqəddəs Odun Bakıya gətirilməsi üçün göstərdiyi səylərə görə təşəkkür edərək, onun Azərbaycana sonuncu dəfə 2019-cu ildə gətirildiyini qeyd edib.Yelena İqorevna kafedral kilsəsinə Yerusəlimdə, Müqəddəs Məzar kilsəsində təqdis olunmuş ikona hədiyyə etdi.