Keşişlər katolik kimsəsizlər evini ziyarət ediblər

Yeparxiyanın Xeyriyyəçilik və sosial xidmət şöbəsinin rəhbəri protoiyerey Mefodiy Əfəndiyev və Lənkəran şəhəri Allahın Əqdəs Validəsinin Dua Örpəyi kilsəsinin baş keşişi, protoiyerey Aleksandr Astaşkin Kəlküttəli Tereza Ananın Mərhəmət Bacıları sığınacağınl ziyarət ediblər. Pasxa bayramı münasibətilə keçirilən ziyarət zamanı Pasxa duaları edilib, sığınacağın pravoslav sakinləri Tövbə və Yevxaristiya Sirrlərini qəbul ediblər. İbadətdən sonra keşişlər hər kəsi müqəddəs Pasxa bayramı münasibətilə təbrik ediblər. Sığınacağın bütün sakinlərinə və onlara qulluq edən mərhəmət bacılarına Pasxa kuliçləri, təqdis edilmiş Pasxa yumurtaları və "Pravoslavnıy Vestnik" yeparxiya qəzetinin bayram buraxılışı hədiyyə edildi.