Azərbaycan Dövlət Akademik Filarmoniyasında Böyük Vətən Müharibəsində faşizm üzərində Qələbənin 80 illiyinə həsr olunmuş bayram konserti keçirilib

M.Maqomayev adına Azərbaycan Dövlət Akademik Filarmoniyasında Böyük Vətən Müharibəsində faşizm üzərində Qələbənin 80 illiyinə həsr olunmuş bayram konserti keçirilib.
Konsert proqramı ilə Birləşmiş Xor Hərəkatının əməkdar xadimi Kristina Əfəndiyevanın rəhbərliyi altında ilə Bakı şəhəri Ali-Mələk Mikayıl kilsəsinin xoru,  Azərbaycan Respublikasının Xalq Artisti Gülbacı İmanovanın rəhbərliyi altında Azərbaycan Dövlət Xor kollektivi, əməkdar incəsənət xadimi R. Əlizadənin rəhbərliyi altında Azərbaycan Respublikasının Dövlət Nəfəs alətləri Musiqi Orkestri çıxış ediblər. Konsert zamanı müharibə illərinin məşhur mahnıları, Bakı səhnəsində ilk dəfə səslənən bir neçə musiqi əsərləri ifa olunub. Musiqili gecə Bakı və Azərbaycan yepiskopu Aleksinin xeyir-duası, Bakı Yeparxiyasının, "Bank VTB – Azərbaycan" ASC-nin, bir sıra fiziki şəxslərin sponsorluğu və Rusiya Milli Musiqi Muzeyinin dəstəyi ilə təşkil olunub. 
Layihənin müəllifi və kuratoru Yeparxiyanın İctimai təşkilatlarla əlaqələr üzrə şöbəsinin rəhbəri protoiyerey Mefodiy Əfəndiyevdir.   
Tədbir çərçivəsində həyatda olan və mərhum Böyük Vətən Müharibəsi veteranlarına, blokadadan sağ çıxanlara və arxa cəbhə işçilərinə həsr olunmuş və xalqın tarixi yaddaşının qorunub saxlanmasına qayğılı münasibətin bariz nümunəsi kimi “Həmişə sıralarda!” sərgisi təqdim olundu. Sərgi Bakı Yeparxiya İdarəsi, Bakı şəhəri Müqəddəs Ali-Mələk Mikayıl kilsəsi Müqədd və Azərbaycan Respublikası Müharibə, Əmək və Silahlı Qüvvələr Veteranları Təşkilatının dəstəyi ilə təşkil olunub.