Yepiskop Aleksiy İsrailin Azərbaycandakı səfiri ilə görüşüb

Bakı Yeparxiyasının Pravoslav Dini-mədəni Mərkəzində Bakı və Azərbaycan yepiskopu Aleksiy ilə İsrail Dövlətinin Azərbaycandakı yeni səfiri Ronen Kraus arasında görüş olub. Görüş zamanı yepiskop Aleksiy səfirə ölkədəki pravoslav icmasının həyatı və multikulturalizmin Azərbaycan modeli haqqında məlumat verib. Yepiskop bütün Azərbaycan xalqının rifahı naminə dinlərarası dialoqun və konstruktiv əməkdaşlığın möhkəmləndirilməsi üçün əsas olan Azərbaycanın ənənəvi dini icmalarının rəhbərləri arasında yüksək səviyyədə olan xoş münasibətləri xüsusilə qeyd edib. Ronen Kraus, öz növbəsində, yepiskop Aleksiyə səmimi ünsiyyətə və Bakıdakı Müqəddəs Mürr-Daşıyan Zənənlər kafedral kilsəsini ziyarət etmək imkanına görə təşəkkür edib.