Dini Qurumlarla İş üzrə Dövlət Komitəsinin sədri Ali-Mələk Mikayıl kilsəsini ziyarət edib

Azərbaycan Respublikası Dini Qurumlarla İş üzrə Dövlət Komitəsinin sədri Ramin Məmmədov bu il 180 ili tamam olan Bakı şəhəri Ali-Mələk Mikayıl kilsəsini ziyarət edib. Ali qonağı kilsədə Bakı və Azərbaycan yepiskopu Aleksiy qarşılayıb. Ramin Məmmədov kilsənin tarixi və qüdsiyyətləri, eləcə də Azərbaycanın Prezidenti İlham Əliyevin sərəncamı ilə 2020-2021-ci illərdə kilsədə aparılan genişmiqyaslı təmir və bərpa işləri ilə tanış oldu. Dövlət Komitəsinin sədri həmçinin kilsənin Müqəddəs Həvari Bartalmaya həsr olunmuş aşağı ibadətgahında və prixod evində oldu. Söhbət zamanı bu yaxınlarda Bakıda keçirilən "Fərqliliyin rəngi" festivalında əyani şəkildə nümayiş etdirilmiş multikulturalizmin Azərbaycan modeli mövzusuna toxunuldu və Bakı Yeparxiyası ilə Dövlət Komitəsi arasında əməkdaşlıq perspektivləri müzakirə edildi.