Milad Bayramı günündə yepiskop Aleksiy kafedral kilsədə İlahi Liturgiya keçirib

Məsihin Mövludu (Milad) Bayramı günündə Bakı və Azərbaycan yepiskopu Aleksiy Bakı şəhəri Müqəddəs Mürr-Daşıyan Zənənlər kafedral kilsəsində gecə ayini və İlahi Liturgiyanı keçirib. Gecə ibadətindən öncə yepiskop Aleksiy KİV-ə müsahibələr verib, bir sıra televiziya kanalı ibadətdən canlı yayımlar açıb.

Arxiyereyi kafedral kilsəsinin ruhaniləri müşayiət edib. Kilsədə çoxlu sayda imanlılar dua edib. İbadətdə Belarus Respublikasının Fövqəladə və Səlahiyyətli səfiri Dmitriy Pineviç və Azərbaycan Respublikası Dini İcmalarla İş üzrə Dövlət Komitəsinin qeyri-islam icmaları ilə iş üzrə sektorunun müdiri Aslan Sultanov iştirak ediblər. İbadət zamanı Moskva və Bütün Rusiyanın Patriarxı Kirill müqəddəslərinin Milad müraciəti və Azərbaycan Respublikasının Prezidenti İlham Əliyevin Azərbaycanın pravoslav icmasına ünvanladığı təbrik məktubu oxunub. Vaqif Məstanovun rəhbərlik etdiyi arxiyerey xoru və Nelli İsrafilovanın rəhbərlik erdiyi kafedral xoru bir sıra bayram ilahilərini azərbaycan dilində ifa edib.