Müqəddəs Mürr-Daşıyan Zənənlər kafedral kilsəsində Allahın Əqdəs Validəsini dəfn edilməsi ayini keçirilib

Müqəddəs Mürr-Daşıyan Zənənlər kafedral kilsəsində Allahın Əqdəs Validəsini dəfn edilməsi ayini keçirilib. Allahın Əqdəs Validəsinin Göylərə Götürülməsi bayramını fərqləndirən bu ayin, Allah Anasının yer üzündəki həyatının sonu və Getsemani bağında dəfni xatırlandığı xüsusi bir ibadəti təşkil edir. İbadət Pasxa ərəfəsində həyata keçirilən Böyük Şənbənin Səhər ibadətinə bənzər şəkildə tərtib edilib. Ayini yerinə yetirmək ənənəsi Müqəddəs Torpaqdan gəlib və Kilsənin liturgik həyatına daxil edilmiş təqva adətidir.

Bakı şəhəri Müqəddəs Mürr-Daşıyan Zənənlər kafedral kilsəsində keçirilən Allahın Əqdəs Validəsini dəfn edilməsi ayininə Bakı və Azərbaycan yepiskopu Aleksiy başçılıq edib. İbadətdə yeparxiyanın ruhaniləri və səmimi dua ilə Məryəm Ananın kəfəninə toxunmaq üçün gələn çoxsaylı imanlılar iştirak ediblər.