Bakı Yeparxiyası arxiyereyi ism günü münasibətilə təbrik edir

Bakı və Azərbaycan yepiskopu Aleksiyə Bakı Yeparxiyasının ruhaniləri və imanlıları adından  ism günü münasibətilə təbriki 

Əziz vladıka Aleksiy həzrətləri!

Bakı Yeparxiyasının ruhaniləri və imanlıları, rahib andınız zamanı ismini qəbul etdiyiniz Allah adamı Müqəddəs Aleksinin xatirəsi günü — Sizin ism gününüz münasibətilə səmimi qəlbdən təbrik edir.

Uca Allahın xeyirxah İlahi Qayğısı və Kilsə başçılarının xeyir-duası ilə Sizə həvari vəzi ilə agah olan və öz xristian irsini ehtiramla qoruyub saxlayan qədim Azərbaycan torpağında yepiskop olmaq nəsib olmuşdur.

Sizə verilmiş bu püşkü minnətdarlıqla qəbul edərək, müqəddəs həvari Bartalmayın səmavi himayəsi və Allahın xariqəli qulu müqəddəs Aleksinin şəfaəti ilə möhkəmlənərək, Siz böyük qeyrət və sədaqətlə çətin arxipastır xidmətinizi yerinə yetirir və «Allahın sizə həvalə etdiyi sürüsünü zorla yox, könüllü və Allahı razı salan tərzdə nəzarət edirsiniz. Sizə tapşırılanlar üzərində ağalıq etmədən, sürüyə nümunəsiniz.» (1Pet. 5, 2–3). Sizə etibar olunmuş Bakı Yeparxiyasında kilsə həyatının inkişafı üçün bütün qüvvənizi sərf edir, kilsə təqvasına qayğı göstərir, ruhanilərin və imanlıların ruhani təhsilinə xüsusi diqqət yetirir, ruhani məsləhətə, yardıma və təsəlliyə ehtiyac duyan hər bir insan üçün qucaq açırsınız.

Daşıdığınız bu kilsə xidməti tam fədakarlıq, ruhani və cismani qüvvələrin səfərdərliyini tələb edir. Sizə, əziz Vladyka, möhkəm cansağlığı, ruh yüksəkliyi, səbir və hikmət arzulayırıq ki, Sizə həvalə olunmuş bu xidməti layiqincə davam etdirəsiniz. Qoy ürəyiniz çəkdiyiniz zəhmətlərin bəhrələrindən sevinc tapsın. Rəbb Allah Sizə Müqəddəs Kilsənin rifahı naminə gələcək arxipastır əməyinizdə Öz tükənməz köməyini bəxş etsin.