Qafqaz Müsəlmanları İdarəsində Azərbaycanın dini liderləri ilə Kaliforniya ştatının dini icmalarının rəhbərlərindən ibarət nümayəndə heyəti arasında görüş keçirilib

Oktyabrın 25-də Qafqaz Müsəlmanları İdarəsində Azərbaycanın dini liderlərinin Kaliforniya ştatının (ABŞ) dini icmalarının rəhbərlərindən ibarət nümayəndə heyəti ilə görüşü keçirilib. Görüşdə Qafqaz Müsəlmanları İdarəsinin sədri Şeyxülislam Hacı Allahşükür Paşazadə, Bakı Yeparxiya İdarəsinin katibi Arximandrit Aleksi (Nikonorov), Katolik Kilsəsinin Azərbaycandaki Apostol prefekti monsenyor Vladimir Fekete, dağ və avropa yahudiəri dini icmalarının sədrləri iştirak ediblər.
Şeyxülislam Amerika nümayəndə heyətinin üzvlərinə ünvanladığı nitqində xüsusilə Rus Pravoslav Kilsəsinin rəhbəri, Moskva və Bütün Rusiyanın Patriarxı Kirilin Qafqazın müsəlman icması və Erməni Apostol Kilsəsi arasında dialoqun qurulmasında xüsusi rolunu qeyd edib.