Bakı Yeparxiya İdarəsinin katibi "Vətən və iman" kitabının təqdimat mərasimində iştirak edib

Bakı Yeparxiya İdarəsinin katibi "Vətən və iman" kitabının təqdimat mərasimində iştirak edib.
Noyabrın 4-də Azərbaycanın ərazi bütövlüyünün bərpa edilməsinin ildönümü ərəfəsində Bakıda "Vətən və inam" kitabının təqdimatı keçirilib. Kitab 44 günlük müharibəyə, milli və dini mənsubiyyətindən asılı olmayaraq, ölkənin ərazi bütövlüyünün bərpa olunmasında Azərbaycan Respublikasının bütün vətəndaşlarının iştirakına həsr olunmuşdur.
Tədbirdə Qafqaz Müsəlmanları İdarəsinin sədri Şeyxülislam Hacı Allahşükür Paşazadə Bakı Yeparxiya İdarəsinin katibi arximandrit Aleksi (Nikonorov), ölkənin ənənəvi dini icmalarının rəhbərləri və nümayəndələri, Azərbaycan Respublikası Prezidenti Administrasiyasının nümayəndələri, Milli Məclisin (parlamentin) deputatları, Azərbaycan Respublikası Dövlət Dini Qurumlarla İş üzrə komitəsinin sədri Mübariz Qurbanlı və başqaları iştirak etmişlər.
Arximandrit Aleksi çıxışında qeyd etdi ki, Azərbaycan 30 il ərzində qonşu ölkə ilə münaqişəni sülh yolu ilə həll etməyə çalışıb və bu, o cümlədən Moskva və bütün Rusiyanın Patriarxı təşəbbüsü ilə keçirilən dini liderlərin çoxsaylı görüşlərinə səbəb olub. "Vətən müharibəsi başlayanda, bütün dini icmaların nümayəndələri müxtəlif millətlərin nümayəndələri Azərbaycanın siyasi lideri ətrafında birləşərək tarixi ədaləti bərpa etdilər", - deyə o vurğulayıb. O, həmçinin Bakı Yeparxiyasının Azərbaycan Cəmiyyətinin birliyinə verdiyi töhfələrdən danışıb.