Bakı yeparxiyasının həbsxanada xidməti üzrə şöbəsinin sədri həbsxana kapellanlarının onlayn konfransında iştirak edib

Noyabrın 29-da Beynəlxalq həbsxana kapellanlar Assosiasiyasının Avropa şöbəsi tərəfindən təşkil edilən "Dəstək və Mübadilə" mövzusunda beynəlxalq həbsxana kapellanlarının onlayn konfransında Bakı və Azərbaycan Yeparxiyasının həbsxanada xidməti üzrə şöbəsinin sədri, protoierey Mefodiy Əfəndiyev iştirak edib.
Assosiasiyanın İdarə Heyətinin üzvü və görüşün moderatoru Bob Uilson konfransın işini açaraq tədbir iştirakçılarına salamlama sözü ilə müraciət etmiş və həbsxana xidmətinin zəruriliyi barədə geniş məruzə ilə çıxış etmişdir.
Sonra konfrans iştirakçıları karantin şəraitində cəza çəkən şəxslər haqqında geniş məruzə ilə çıxış etmiş və onların birgə təşkil etdikləri təcrübə mübadiləsi aparmışlar.
Protoierey Mefodiy Əfəndiyev konfrans iştirakçılarına Azərbaycan ərazisində məhkumlara keşiş qayğı göstərilməsinə pandemiya və karantin rejiminin təsiri və həbsxana xidməti üzrə Yeparxiyanın şöbəsinin işi barədə məlumat vermişdir.
Beynəlxalq konfransda Böyük Britaniya, Fransa, Norveç, İsveç, Almaniya və s. ölkələrin həbsxana kapellanları iştirak edib.