Dini icmaların nümayəndələrinin məşhur fransız jurnalisti Reno Jirar ilə görüşü

Bakı Beynəlxalq Multikulturalizm Mərkəzində tanınmış fransız jurnalist, yazıçı, geosiyasətçi Reno Jirar ilə Azərbaycan dini icmalarının nümayəndələri görüşü keçirilib.

Mərkəzin icraçı direktorunun müşaviri Aytən Qəhrəman qonağa Bakı Beynəlxalq Multikulturalizm Mərkəzinin fəaliyyətini və mədəniyyətlərarası münasibətlərin Azərbaycan modelini təqdim edib. Din xadimləri R. Jirarın xahişi ilə öz növbəsində ölkənin dini icmalarının həyatından, dinlərarası dialoqun yüksək səviyyəsindən və "dövlət - din" sahəsində münasibətlərindən danışıblar.
Sonra görüş iştirakçıları cənab R. Jirarı maraqlandıran suallara cavab veriblər. 

Fransız jurnalisti ilə görüşdə Bakı yeparxiyasını Yeparxiya Şurasının katibi, protoierey Mefodiy Əfəndiyev təqdim edib.