Yeparxiya idarəsinin katibi ilə Moskva azərbaycanlılarının Milli-Mədəni Muxtariyyət Şurasının sədri və onun müavini arasında görüş keçirilib

Bakı Yeparxiyasının Dini-Mədəni Mərkəzində Yeparxiya idarəsinin katibi arximandrit Aleksiy (Nikonorov) ilə Moskva azərbaycanlılarının Milli-Mədəni Muxtariyyət Şurasının sədri Bəxtiyar Şaban oğlu Həsənov və onun müavini Qaşım Məmməd Cəfər oğlu Əliyev arasında görüş keçirilib. Arximandrit Aleksiy qonaqları səmimiyyətlə salamlayaraq onlara Azərbaycanda millətlərarası və dinlərarası münasibətlərin yüksək səviyyəsindən, ölkədə müxtəlif etnik və dini icmaların nümayəndələri üçün yaradılmış müsbət ab-havanın formalaşmasında ümummilli lider Heydər Əliyevin xüsusi rolundan, Prezident İlham Əliyevin dini və milli icmalara göstərdiyi diqqət və dəstəkdən, o cümlədən Şeyxülislam A.Paşazadənin başçılığı ilə dini liderlərin dinlərarası dialoqun yüksək səviyyədə saxlanması üçün göstərdiyi səylərdən danışıb.

Öz növbəsində qonaqlar Moskva azərbaycanlıların Milli-Mədəni Muxtariyyətinin məqsəd və vəzifələrindən, görülən işlərdən, plan və layihələrdən, habelə Rusiya Federasiyası Hökumətinin xüsusi münasibətindən danışıblar.

Qonaqlar yeparxiya muzeyinin ekspozisiyası və mqd. Mürr-Daşıyan Zənənlər kafedral kilsəsinin daxili tərtibatı ilə tanış olublar.