Şeyxülislam Allahşükür Paşazadə “İslamofobiya irqçilik və ayrı-seçkiliyin xüsusi forması kimi: yeni qlobal və transmilli çağırışlar” beynəlxalq forumu iştirakçılarının şərəfinə ziyafət verib

Azərbaycan müsəlmanlarının dini lideri şeyxülislam Allahşükür Paşazadə öz iqamətgahında 15-16 mart tarixlərində Bakıda keçirilmiş “İslamofobiya irqçilik və ayrı-seçkiliyin xüsusi forması kimi: yeni qlobal və transmilli çağırışlar” beynəlxalq forumu  iştirakçılarının şərəfinə ziyafət verib. Forumun işində dünyanın 30 ölkəsindən tanınmış ilahiyyatçılar, siyasətçilər, islamşünaslar, din xadimləri iştirak ediblər.  Qəbulda forumun qonaqları ilə yanaşı, Milli Məclisin deputatları və Azərbaycanın ənənəvi dini konfessiyalarının rəhbərləri də iştirak edib.  Tədbirdə şeyxülislam A.Paşazadə, Bakı Beynəlxalq Multikulturalizm Mərkəzinin icraçı direktoru Rəvan Həsənov, Milli Məclisin vitse-spikeri Fəzail İbrahimli, İslam Əməkdaşlıq Təşkilatının keçmiş baş katibi Ekmaləddin İxvanoğlu qonaqlara salamlama nitqi ilə müraciət ediblər.