Qafqaz Müsəlmanları İdarəsində “Heydər Əliyev və milli-mənəvi dəyərlər” mövzusunda konfrans keçirilib

Qafqaz Müsəlmanları İdarəsində Azərbaycan xalqının ümummilli liderinin anadan olmasının 100 illiyinə həsr olunmuş “Heydər Əliyev və milli-mənəvi dəyərlər” mövzusunda konfrans keçirilib. Forum başlamazdan əvvəl respublikanın dini liderləri Fəxri xiyabanda Heydər Əliyevin məzarı önünə gül dəstələri qoyublar. Konfransda ölkənin ənənəvi dini icmalarının rəhbərləri və nümayəndələri, Milli Məclisin deputatları, ictimaiyyət nümayəndələri iştirak ediblər. Konfransın sonunda iştirakçılar üçün iftar təşkil olunub. Bakı yeparxiyasını tədbirdə Yeparxiya İdarəsinin katibi arximandrit Aleksiy (Nikonorov) və yeparxiyanın İnformasiya şöbəsinin rəhbəri, protoiyerey Dionisiy Sveçnikov təmsil ediblər. Arximandrit Aleksiy konfransın mövzusu ilə bağlı məruzə ilə çıxış edib.