“Rusiya Naminə” ümumrusiya xalq cəbhəsinin nümayəndə heyəti Bakı şəhəri Ali-Mələk Mikayıl kilsəsini ziyarət edib

Rusiyanın əməkdar artisti Yan Osinin rəhbərlik etdiyi “Rusiya Naminə” ümumrusiya xalq cəbhəsinin nümayəndə heyəti Bakı şəhəri Ali-Mələk Mikayıl kilsəsini ziyarət edib.

Kilsənin baş keşişi, yeparxiyanın ictimai təşkilatlarla qarşılıqlı əlaqələr şöbəsinin rəhbəri protoiyerey Mefodiy Əfəndiyev qonaqları səmimiyyətlə qarşılamış, kilsə kompleksi ilə tanış etmişdir. ÜXC-nin nümayəndələrinə kilsənin yaranma tarixi və son vaxtlar burada Azərbaycan Respublikası rəhbərliyinin himayəsi ilə aparılan genişmiqyaslı tikinti-bərpa işləri barədə məlumat verilib.

ÜXC-nin nümayəndə heyəti ölkəmizdə rəsmi səfərdədir və bu səfər zamanı Aleksandr bağında yerləşən Naməlum Əsgərin məzarından Əbədi Məşəl parçası Bakıya gətirilərək Azərbaycanın Rus İcması və Beynəlxalq Dağ Yəhudiləri Xeyriyyə Fonduna təqdim edilib.