Bakıda H.Ə. Əliyevin anadan olmasının 100 illiyinə və “Azərbaycanın Rus İcması” ictimai birliyinin fəaliyyətinin 30 illiyinə həsr olunmuş tədbirlər keçirilib

Bakıda Azərbaycanın Rus İcmasının təşkilatçılığı ilə H.Ə. Əliyevin anadan olmasının 100 illiyinə və “Azərbaycanın Rus İcması” ictimai birliyinin fəaliyyətinin 30 illiyinə həsr olunmuş tədbirlər keçirilib.

Tədbirlər proqramı çərçivəsində “Heydər Əliyev: Multikulturalizm və tolerantlıq Azərbaycan cəmiyyətinin inkişafı konsepsiyası kimi” mövzusunda konfrans keçirilib. Forumda Rusiyanın Azərbaycandakı fövqəladə və səlahiyyətli səfiri Boçarnikov M.N., Yeni Azərbaycan Partiyasının sədr müavini T.Y. Budaqov, Azərbaycanın Rus İcmasının sədri, Milli Məclisin deputatı M.Y.Zabelin, Azərbaycan Respublikasının Mədəniyyət Naziri A.Q. Kərimli, Rusiya Xarici İşlər Nazirliyinin həmvətənlərlə iş üzrə departamentinin direktoru Nurizadə A.B., Həştərxan vilayətinin mədəniyyət naziri Prokofyeva O.N., Azərbaycan Respublikasının Diaspora ilə iş üzrə Dövlət Komitəsinin sədri Muradov F.R., Bakı Beynəlxalq Multikulturalizm Mərkəzinin icraçı direktoru Həsənov R., həmçinin Milli Məclisin deputatları, siyasətçilər, diplomatlar, ictimaiyyət və siyasi xadimlər, İkinci Qarabağ müharibəsi veteranları və çoxsaylı qonaqlar iştirak ediblər.

Bakı və Azərbaycan Yeparxiyasını Yeparxiyanın katibi Arximandrit Aleksiy (Nikonorov) təmsil edib. O, forumun birinci bölməsində konfransın mövzusu ilə bağlı məruzə ilə çıxış edib.

Həmin gün M. Maqomayev adına Azərbaycan Dövlət Akademik Filarmoniyasında Həştərxan Dövlət Filarmoniyasının iştirakı ilə bayram konserti keçirilib.