Rusiyadan olan zəvvarlar Azərbaycana səfər ediblər

Pyatiqorsk yeparxiyasından və Moskva şəhərindən olan zəvvarlar Azərbaycana səfər ediblər. Qonaqlar Azərbaycanda pravoslav icmasının həyatı ilə tanış olub, paytaxtın pravoslav kilsələrinə və qədim rəvayətə görə həvari Bartalmayın şəhid olduğu Bakıda Qız Qalasının ətəyindəki məkana baş çəkiblər. Səyahət zamanı zəvvarlar ölkəmizin xristian irsi ilə tanış olublar: onlar həvari Yahuda Faddeyin şagirdi olan müqəddəs Elişa tərəfindən əsası qoyulan və daha sonra tarixi mənbələrdə "Qafqaz kilsələrin anası" adlanacaq ilk kilsənin yerində tikilmiş Kiş kəndinin qədim xristian kilsəsini ziyarət ediblər. Nic kəndinin qədim alban məbədləri və Qax şəhərinin gürcü kilsələri Azərbaycanda xristianlığın tarixi və müasirliyi haqqında təəssüratları daha da artırıb. Zəvvarlar, həmçinin Qobustan tarix-arxeoloji qoruğunda, Şəki xanlarının sarayında olmuş, Milli Xalça Muzeyinin ekspozisiyası ilə tanış olmuş, köhnə Bakının dar küçələrində və dənizkənarı bulvarda gəzmiş, Dağüstü Parkın müşahidə göyərtəsindən paytaxtın möhtəşəm mənzərələrindən zövq almışlar. Azərbayanın  milli mətbəxinin yeməkləri də qonaqları biganə qoymayıb.
Səfər Bakı Yeparxiyasının Zəvvarlıq İdarəsi və Pyatiqorsk Yeparxiyasının "Qafqaz zəvvarı"  Zəvvarlıq Xidməti tərəfindən birgə təşkil olunub.