Bakıda Həvari Bartalmayın şərəfinə bayram keçirilib

Bakı şəhərinin səmavi hamisi həvari Bartalmayın anım günündə İçərişəhərdə, Qız qalasının ətəyində müqəddəs həvarinin şərəfinə dua mərasimi keçirilib. Ənənəyə görə, həmin gün Azərbaycan xristianları XIX əsrdə tikilmiş və 1936-cı ildə dağıdılmış kilsənin bünövrəsi yerində birlik duasına toplaşırlar. Erkən səhərin olmasına baxmayaraq, hər il müqəddəs Bartalmaya dua mərasimi çoxlu sayda həvarinin şəfaətini diləyən imanlıları toplayır. Ruhanilərin ibadətinə Kazan və Tatarıstan mitropoliti Kirill və Bakı və Azərbaycan yeparxiyasının rəhbəri Pyatiqorsk və Çərkəz arxiyepiskopu Feofilakt başçılıq ediblər. Liturgiya ilahiləri paytaxt kilsələrinin xorları ifasında səsləndirilib. İbadət mərasiminə Alban-Udi Xristian İcmasının sədri R.Mobili, Katolik Kilsəsinin Azərbaycandakı Apostol Prefekturasının keşişi ata Vladimir Baksa, Rusiya Federasiyasının Azərbaycandakı müvəqqəti işlər vəkili P. Volokovıx, diplomatlar və çoxsaylı dindarlar qatılıblar.

Bayram mqd. Mürr-Daşıyan Zənənlər kafedral kilsəsində təntənəli Liturgiya və xaç yürüşü ilə davam edib. İbadət çərçivəsində xeyirdualı su ibadətgahı təqdis olundu.