Ali-Mələk Mikayıl kilsəsinin bazar günü məktəbinin uşaqları teatrlaşdırılmış tamaşa nümayiş ediblər

Pentekost (Əllinci Gün) bayramından sonra 4-cü həftədə Bakı şəhəri Ali-Mələk Mikayıl kilsəsində keçirilmiş İlahi Liturgiyadan sonra kilsənin ərazisində “Səkkizinci Əmr” tamaşası imanlıların diqqətinə təqdim olunub. Pyotr Mixayloviç Nevejinin “Oğru qız” hekayəsi əsasında müəllifi Rimma Koşurnikovanın tamaşasının səhnələşdirilməsi K.V. Əfəndiyevanın rəhbərliyi ilə Ali-Mələk Mikayıl kilsəsinin uşaq bazar günü məktəbinin şagirdləri tərəfindən həyata keçirilib.

Tamaşa başlamazdan əvvəl kilsənin baş keşişi protoiyerey Mefodiy Əfəndiyev tamaşaçılar qarşısında çıxış edərək qeyd etdi ki, artıq bir neçə ildir ki uşaq bazar günü məktəbinin mənəviyyat mövzusunda tamaşaların səhnələşdirilməsi kimi gözəl ənənəsi var. “Pandemiya və təmir işlərinin yaratdığı üç illik fasilədən sonra bu gözəl ənənə yenidən bərpa olunur”, - deyən baş keşiş bütün tamaşaçıları çıxış edənləri alqışlarla dəstəkləməyə çağırıb. Sonra teatr tamaşasının özü toplaşanların diqqətinə təqdim olunub.

Süjetə görə, gənc qəhrəman Aleksandranın gimnaziyadakı təhsilini ödəməyə pulu yoxdur. Onun anası xəstələnib və bütün vəsait anasının müalicəsinə sərf olunub. Rəfiqəsi valideynlərindən pul oğurlayaraq ona kömək etmək qərarına gəlir. Ancaq bundan sonra o, nə etdiyini başa düşür - axı onun səhv davranışına görə evin işçisi olan qadın işdən çıxarılıb. Pyesada tamaşaçı qarşısında əsas suallar qoyulur: yaxın bir insanı xilas etmək üçün səkkizinci - "oğurluq etmə" - əmrini pozmaq olarmı? Yaxşı niyyətlər hər cür vasitələrləmi həyata keçirilməlidir? "Qalibləri" mühakimə etmək olarmı?

Tamaşanın sonunda bədii rəhbər Kristina Vladimirovna dəstəyə görə hər kəsə təşəkkür edərək, bir çox uşaqlar üçün geniş tamaşaçı auditoriyası qarşısında çıxış etməyin debüt olduğunu qeyd edib.

Rossotrudniçestvo-nun Azərbaycandakı nümayəndəliyinin rəhbəri İrek Xaydaroviç Zinnurov uşaqların çıxışının təşkilində böyük dəstək göstərmiş, tamaşa üçün səs avadanlığı təqdim etmişdir.