Tatarıstanın paytaxtında Allahın Validəsinin Kazan ikonasının zühurunun 444-cü ildönümü münasibətilə bayram tədbirləri keçirilib

Kazan şəhərində (1579) Allahın Əqdəs Validəsi ikonası zühur etməsi bayramında Tatarıstanın paytaxtında dua mərasimlərinə Daşkənd və Özbəkistanın Mitropoliti Vikentiy, Bütün Belarusiya Patriarx Ekzarxı, Minsk və Zaslavl Mitropoliti Veniamin və Kazan və Tatarıstan Mitropoliti Kirill başçılıq ediblər.

Bayram ərəfəsi Gecə İbadəti keçirilib, bayram gününün səhəri isə Kazan Kremlinin Müjdə kafedral kilsəsində 2005-ci ildə Vatikanın Kazana təqdim etdiyi Allahın Validəsinin Kazan ikonasının ehtiram edilən nüsxəsinin qarşısında dualar oxunub. Sonra kilsədən ecazkar təsvirin tapıldığı yerə - Kazanın Allahın Validəsi (Boqoroditskiy) kişi monastırına aid Kazan şəhəri kafedral kilsəsinə qədər ümumşəhər xaç yürüşü başlandı.

Yürüş iştirakçıların gəlişindən sonra Kazan kafedral kilsəsində İlahi Liturgiya keçirildi. Bayram ibadətində Bakı yeparxiyasının rəhbəri Pyatiqorsk və Çərkəz arxiyepiskopu Feofilakt və Bakı Yeparxiya İdarəsinin katibi arximandrit Aleksiy (Nikonorov) iştirak ediblər.

İbadətin sonunda bütün iştirak edənləri Tatarıstan Respublikasının başçısı Rüstəm Minnixanov və Tatarıstan Respublikasının Dövlət müşaviri Mintimer Şaymiyev təbrik ediblər.