Zəvvarlar Azərbaycanın şimal bölgəsinə səfər ediblər

Rəbbin Həyatverən Xaçının Nümayişi bayramında yeparxiyanın zəvvarlıq İdarəsi Bakı və Sumqayıt kilsələrinin imanlıları üçün Azərbaycanın şimal bölgəsinə səyahət təşkil edib. Zəvvarlar Xaçmaz şəhəri Müqəddəs Ecazkar Nikolay kilsəsində keçirilən bayram İlahi Liturgiyasında iştirak ediblər. Liturgiyanın sonunda suyun təqdis edilməsi və  yeni məhsul balının təqdis edilməsi dua mərasimləri keçirildi. Bu ildən başlayaraq Bakı yeparxiyası İkinci Qarabağ Müharibəsi qazisi Maksim Voskresenskiy ilə əməkdaşlıq edərək onun Azərbaycanın Zaqatala rayonunun ekoloji cəhətdən təmiz dağlıq ərazisində yerləşən arıxanasından bal satışına köməklik göstərir.
Ziyarət iştirakçıları Xaçmazın mqd. Nikolay kilsəsində nahar etdikdən sonra 1892-ci ildə rus köçkünləri tərəfindən əsası qoyulmuş Hacıhüseynli kəndinə (keçmiş Yelenovka kəndi) gedib, burada fəaliyyətsiz olan Məryəm Ananın Dua Örpəyi pravoslav kilsəsinə baxış keçiriblər. Kilsə 1897-ci ildə tikilib və sovet dövründə bağlanıb. Səfər proqramına Qusar şəhərində M.Y. Lermontovun keçmiş ev muzeyinin qarşısında  şairin abidəsinə və Qusar şəhəri rəsm qalereyasıa baxış da daxil idi.