Bakı yeparxiyasının katibi Şimali Qafqazda keçirilən bayram mərasimlərində iştirak edib

Bakı və Azərbaycan Yeparxiyasının katibi Arximandrit Aleksiy (Nikonorov) Şimali Qafqaza zəvvar səfəri edib. O, Bakı Yeparxiyasının rəhbəri vəzifəsini icra edən, Pyatiqorsk və Çərkəz arxiyepiskopu Feofilaktı Pyatiqorsk şəhərinin Xilaskar kafedral kilsəsində Rəbbin Günü İlahi Liturgiyası zamanı müşaiyət edib. İbadətin sonunda arximandrit Aleksiy Bakı yeparxiyasının pravoslav icması adından arxiyerey həzrətlərinə şəxsi bayramı - doğum günü münasibətilə təbriklərini çatdırıb, ona xatirə hədiyyəsi təqdim edib.

Allahın Əqdəs Validəsinin Göylərə Götürülməsi bayramı ərəfəsində Bakı yeparxiyasının katibi arxiyepiskop Feofilaktı Yessentukskaya qəsəbəsinin Göylərə Götürülmə kilsəsində gecə ibadətində müşayiət edib.

Allahın Əqdəs Validəsinin Göylərə Götürülməsi böyük bayramında təntənəli ibadətlər Beştau dağında yerləşən və baş arximandriti Pyatiqorsk və Bakı yeparxiyalarının hakim arxiyereyi olan İkinci Afon Beştauqorsk kişi monastırında Beştau dağında keçirildi. Yeparxiya ruhaniləri və monastırım rahib qardaşları arasında olan arximandrit Aleksiy, monastırın yay kilsəsində keçirilən ümumyeparxiya bayramlarında iştirak edərək İlahi Liturgiya zamanı arxiyepiskop Feofilaktı müşaiyət edib.